Ordu.az xəbər verir ki, bu barədə Türkiyə Milli Müdafiə Nazirliyi mənbələri "Meteor" və "Gökhan" hava-hava raketləri haqqında açıqlamalarında bildiriblər.

Nazirlik mənbələri, Türkiyənin tədarük etməyi planlaşdırdığı "Meteor" raketləri ilə bağlı olaraq qeyd edib: "Meteor raketi hava-hava raketləri arasında yer alan Avropa mənşəli uzun mənzilli yeni nəsil raketdir. "Eurofighter Typhoon" tədarük layihəsi çərçivəsində "Meteor" raketlərini inventarımıza daxil etməyi planlayırıq".

Mənbələr Türkiyənin müdafiə sənayesində öncəliyinin yerli və milli sistemlər olduğunu vurğulayaraq bildirir: "Hər zaman dediyimiz kimi bizim öncəliyimiz yerli və milli silah və sistemlərdir. Bu çərçivədə inkişaf etdirdiyimiz "Meteor" raketinə bərabər olan "Gökhan" hava-hava raketi ilə də Hava Qüvvələrimizi gücləndirməyi planlaşdırırıq".

Sevinc Əliyeva
Ordu.az