Ordu.az xəbər verir ki, bu barədə “South China Morning Post” məlumat yayıb.

Məlumata görə, Çin alimləri “SpaceX”in “Starlink” peyklərini hədəf almaq üçün bir üsul hazırlayıblar.

“South China Morning Post” qeyd edib ki, metod 12 saat ərzində təxminən 1400 “Starlink” peykinə yaxınlaşa bilən 99 Çin peykindən istifadə edərək, kosmik əməliyyatı simulyasiya edir.

“Nanjing” Aeronavtika və Astronavtika Universitetinin aerokosmik idarəetmə bölməsinin direktoru Vu Yunhuanın rəhbərlik etdiyi tədqiqat Çinin “Systems Engineering and Electronics” akademik jurnalında dərc olunub.

Çin komandasının kompüter simulyasiyası göstərir ki, Çin kəşfiyyat və izləmə üçün lazerlərlə təchiz edilmiş “Starlink” peyklərinin əməliyyat vəziyyətini effektiv şəkildə izləyə bilər.

“South China Morning Post”un hesabatında deyilir ki, metod balinaların ovlanması strategiyasını təqlid etmək üçün hazırlanmış yeni ikili süni zəka alqoritmindən istifadə edir.

Vunun komandası iddia edir ki, onlar yerüstü idarəetmə mərkəzindəki kompüterlərə iki dəqiqədən az müddətdə hərtərəfli və etibarlı fəaliyyət planı yaratmağa imkan verən görünməmiş texnologiya hazırlayıblar.

Tədqiqatın Çin hökuməti və ordusundan əhəmiyyətli maliyyə vəsaiti aldığı, “Harbin” Texnologiya İnstitutunun da layihədə iştirak etdiyi bildirilir.

Sevinc Əliyeva
Ordu.az