Ordu.az xəbər verir ki, “Bayraktar TB3” zərbə PUA-sı inkişaf etdirmə prosesində yeni bir mərhələni tamamlayıb və sursat inteqrasiya sınaqlarına başlayıb.
“Bayraktar TB3” zərbə PUA-sı Ədirnə vilayətinin Keşan rayonundakı “Baykar” Uçuş Tədris və Sınaq Mərkəzindən ROKETSAN tərəfindən inkişaf etdirilən 2 ədəd MAM-T sursatı ilə havaya qalxıb.
Atış sınağı aparmaq üçün havada uçan “Bayraktar TB3” ASELSAN tərəfindən inkişaf etdirilən ASELFLIR-500 Elektro-Optik Kəşfiyyat, Müşahidə və Hədəfləmə Sistemi ilə etdiyi ilk atışda təyin olunmuş hədəfi tam dəqiqliklə vurub.
Silahlanan “Bayraktar TB3” zərbə PUA-sı müəyyən edilmiş sınaq cədvəlinə uyğun olaraq inkişaf etdirmə prosesi çərçivəsində faydalı yük və sursat inteqrasiyası sınaqlarını davam etdirəcək.
Sevinc Əliyeva
Ordu.az
