Məlumata görə, bu hökumət təyyarəsindən Rusiya Təhlükəsizlik Şurasının sədr müavini Dmitri Medvedev, xarici işlər naziri Sergey Lavrov və Xarici Kəşfiyyat Xidmətinin direktoru Sergey Narışkin istifadə edir. Onlardan hansı hökumət təyyarəsi ilə ABŞ-yə uçub və orada iki gün qalıb?

Rusiya Xarici İşlər Nazirliyinin (XİN) sözçüsü Mariya Zaxarova beynəlxalq medianın diqqətini çəkən xəbərlərə cavab olaraq, sadəcə diplomatların rotasiyasının baş tutduğunu açıqlayıb. Yəni təyyarə ABŞ-dən Rusiyaya xidmət müddətini başa vurmuş diplomatları geri qaytarıb və yeni işçiləri ABŞ-yə aparıb. Bu izahatın nə dərəcədə inandırıcı olduğunu söyləmək çətindir.

Bir tərəfdən məlumdur ki, sanksiyalara görə ABŞ və Rusiya arasında hava əlaqəsi yoxdur. Digər tərəfdən, üçüncü ölkələr vasitəsilə bu əlaqə imkanı tamamilə mövcuddur və diplomatlar ABŞ-dən başqa ölkəyə, oradan isə Rusiyaya uça bilərlər. Rusiyadan ABŞ-yə nəhəng təyyarələr yalnız rahatlıq üçün uçub? Üstəlik, belə demək mümkündürsə, məqsəd bu idisə, o zaman Rusiya XİN yəqin ki, əvvəldən Rusiya hökumət təyyarəsinin bu məqsədlə ABŞ-yə getdiyini elan edərək, növbəti ajiotajın və ya intriqanın qarşısını alardı.

Rusiya və ABŞ xüsusi xidmət orqanlarının rəhbərləri arasında həm Ukrayna müharibəsindən əvvəl, həm də Ukrayna müharibəsi zamanı həmişə ünsiyyət olduğunu nəzərə alsaq, xarici kəşfiyyat rəhbəri ABŞ-yə uçub? Təbii ki, onlar müxtəlif ölkələrdə görüşüblər, amma son nəticədə heç nəyi istisna etmək olmaz. Yeri gəlmişkən, bu münasibətlə 2022-ci ilin iyul ayının epizodu, yəni ABŞ Mərkəzi Kəşfiyyat İdarəsinin direktoru Vilyam Börnsün regiona gəlməsi, onun gəlişindən iki-üç gün sonra isə Narışkinin də Ermənistana və Azərbaycana gəlməsi diqqətəlayiq ola bilər.

Yeri gəlmişkən, Börnsün regional səfərindən yalnız Ermənistana səfər etmək hissəsi İrəvanın xahişi ilə ictimai olduğundan Narışkinlə Börnsün eyni vaxtda Qafqazda olub-olmadığını, onların “yolları”nın “kəsişib-kəsişmədiyini” söyləmək çətindir. Hər halda, Rusiya hökumət təyyarəsinin iki günlük ABŞ “səyahəti” həqiqətən də diqqətəlayiqdir. Yeri gəlmişkən, bu mənada bəlkə də başqa bir qeyd də lazımsız deyil.

2018-ci ilin yanvarında ABŞ-də də Rusiya və ABŞ xüsusi xidmət orqanlarının rəhbərləri arasında gizli görüş baş tutub, bu barədə ABŞ-nin nüfuzlu KİV-ləri məlumat yayıb, lakin bu, nə rəsmi təsdiq, nə də təkzib edilib.

Asif Cəfərov
Ordu.az