Ordu.az xəbər verir ki, bu barədə “Wall Street Journal” nəşrinin “Airbus” peyk görüntülərinə əsaslandığı hesabatda qeyd olunub.

Hesabata görə, Şimali Koreyanın istehsal gücünə həm öz ordusu, həm də Rusiya ordusunu dəstəkləmək üçün silah istehsalında istifadə edilən təxminən 200 sursat fabriki daxildir.

Hesabata əsasən, Şimali Koreya son vaxtlar nəinki istehsal gücünü genişləndirib, həm də Rusiyaya silah-sursat tədarükünü xeyli artırıb.

ABŞ rəsmiləri və kəşfiyyat analitiklərinin bildirdiyinə görə, Rusiya Şimali Koreyadan 1 milyon 122 mm və 152 mm-dən çox artilleriya mərmisi alıb.

Peyk görüntüləri də qısa mənzilli ballistik raket istehsalı kompleksinin genişləndirilməsini göstərir.

Sevinc Əliyeva
Ordu.az