Ordu.az "İnterfaks"a istinadən xəbər verir ki, bu barədə Almaniyanın Müdafiə Nazirliyi məlumat yayıb.
Yardım paketinə 15 ədəd Leopard 1 A5 tankı, 30 ədəd MRAP (minaya qarşı qorumalı zirehli maşın), Leopard 1 və Leopard 2 tankları üçün mərmilər, iki TRML-4D radiolokasiya stansiyası və "hava-hava" sinfinə aid AIM-9L/I-1 “Sidewinder” raketləri; 155 mm kalibrli 52 min mərmi və 1 ədəd PzH 2000 özüyeriyən artilleriya qurğusu daxildir.
Bundan başqa, siyahıda 12 yük maşını, 8 sisternli avtomobil, sərhədçilər üçün 1 maşın, 20 min qumbara, 120 mm kalibrli 15 min minaatan mərmisi, 4580 tank əleyhinə mina, 120 ədəd HK GMG avtomatik qumbaraatan, 200 ədəd MG4 pulemyotu, hücum və snayper tüfəngləri, 4,3 milyon patron, generatorlar və sarğı materialları var.
***
Almaniya Ukraynanın müdafiə qabiliyyətini gücləndirməyə yönəlmiş yeni əhəmiyyətli hərbi yardım paketini təqdim edib.
Ordu.az xəbər verir ki, bu barədə Almaniya hökumətinin rəsmi saytında məlumat verilib.
Məlumata görə, paketə iki Patriot hava hücumundan müdafiə qurğusu, iki IRIS-T hava hücumundan müdafiə sistemi və 15 Leopard 1A5 tankı daxildir.
Ordu.az
