Ordu.az xəbər verir ki, bu barədə “Reuters” məlumat yayıb.

Ağ Evin yüksək rütbəli rəsmisi bildirib ki, nüvə silahına malik Pakistan Cənubi Asiyadan çox-çox kənarda hədəfləri vura bilən uzun mənzilli ballistik raket imkanlarını inkişaf etdirib və bu, Pakistanı Birləşmiş Ştatlar üçün “yüksələn bir təhdid” halına gətirir.

Milli təhlükəsizlik müşavirinin müavini Con Finerin sürpriz bəyanatı Vaşinqton və İslamabad arasında bir zamanlar yaxın olan münasibətlərin ABŞ qoşunlarının 2021-ci ildə Əfqanıstandan çıxarılmasından sonra necə pisləşdiyini vurğulayır.

“Carnegie Endowment for International Peace”ə danışan Finer bildirib ki, Pakistan uzun mənzilli ballistik raket sistemlərindən tutmuş əhəmiyyətli dərəcədə daha böyük raket mühərriklərinin sınaqdan keçirilməsinə imkan verəcək avadanlıqlara qədər getdikcə daha təkmilləşmiş raket texnologiyası üzərində işləyir.

Sevinc Əliyeva
Ordu.az