Ordu.az erməni KİV-lərinə istinadən xəbər verir ki, bun işğal altında olan Qarabağda yerləşdirilən qanunsuz “hərbi birləşmə”nin keçmiş komandiri Samvel Babayan deyib.

Babayan bəyanat yayaraq Dağlıq Qarabağ münaqişəsinin nizama salınması üçün həll təklif edib.

“Danışıqlar prosesi “Madrid prinipləri” çərçivəsində yenidən bərpa olundu. Ermənistan Baş naziri Xankəndində baş tutmuş Qarabağ (qondarma qurum –red.) və Ermənistan Təhlükəsizlik Şurasının birgə iclasında bu barədə səsləndirib. Yəni, erməni tərəfindən bu gün Serjin hakimiyyət illərində olduğu kimi eyni şey tələb olunur. Bu, azad olunmuş (işğal olunmuş –red.) ərazilərdən (7 rayon - Ağdam, Füzuli, Cəbrayıl, Zəngilan, Qubadlı, Kəlbəcər və Laçın) imtina və azərbaycanlı qaçqınların qaytarılmasıdır. “Ərazilər qarşılığında status” formulası yolverilməzdir”, - deyə Babaynın bəyanatında bildirilib.

Alpər Mövludoğlu
Ordu.az