Məlumat Yoxlama Mərkəzi: ABŞ Ermənistana maliyyə yardımını ləğv etmir

Oxunub: 8432 12:20 05 Avqust 2019

ABŞ-ın Ermənistan və qondarma quruma maliyyə yardımının ləğv edilməsi xəbəri bir neçə gündür bir sıra KİV-lər və müxtəlif sosial platformlarda fəal şəkildə müzakirə edilir.

Ordu.az erməni KİV-lərinə istinadən xəbər verir ki, bu barədə Ermənistanda Məlumat Yoxlama Mərkəzi məlumat yayıb.

Mərkəz iddia edir ki, ABŞ-ın xüsusən Ermənistanda 2018-ci ildən başlayan prosesə münasibətini nəzərə alaraq Birləşmiş Ştatların maliyyə yardımının ləğvi barədə danışmaq olmaz.

Nəticə etibarı ilə söhbət ABŞ Beynəlxalq İnkişaf Agentliyinin (USAİD), “Yayılmamaq, Terrorizmə qarşı mübarizə, minatəmizləmə proqramı”dan gedir. Bir sıra ekspert rəylərində, 2020-ci ildə təsdiqlənən maliyyələşdirmə proqramının iki ay ərzində ləğv olunacağı qeyd edilirdi. ABŞ-ın Ermənistana göstərdiyi xarici yardımla əlaqədar olaraq qeyd etmək lazımdır ki, bu yardımın həcmi artmayıb və bu, ölkəmizdəki daxili proseslərə və ya xarici siyasətimizə bağlı bir hal deyil.

Beynəlxalq yardımın həcminin azalması tendensiyası artıq Obamanın prezidentliyinin son illərində müşahidə olunurdu, Trampın prezidentliyi dövründə isə daha çox parlaq şəkil aldı.

2018-ci ildə Ermənistana xarici yardım təqribən 21 milyon dollar təşkil edib. ABŞ tərəfinin məlumatına görə, 2019-cu ildə ABŞ-ın xarici dəstəyi 26 milyon olacaq. 2020-ci ildə ABŞ Dövlət Departamenti maliyyə ili üçün Ermənistana 6.75 milyon dollar ayırmağı təklif edib.

2018 və 2019-cu illər üçün rəqəmlərin tam mənzərəni əks etdirmədiyini bilmək vacibdir, çünki müqavilə öhdəliklərini əks etdirmir və layihənin icrasına dair məbləğlərin həcmi hələ müzakirə edilir. Yalnız layihələr tamamlandıqdan sonra ümumiləşdirilə bilər.

Yekun olaraq vurğulanmalıdır ki, mövcud prosedurları nəzərə alsaq, mövcud maliyyələşdirmə həcmindən danışa bilmərik, çünki ABŞ Konqresi bu payızda 2020-ci il üçün Ermənistana ayrılacaq dəstəyin son miqdarını təsdiqləməlidir.

Çox güman ki, ayrılan son məbləğ administrasiyanın təklif etdiyi ilkin məbləğdən əhəmiyyətli dərəcədə fərqlənəcək, buna görə administrasiyanın təklif etdiyi ilkin məbləğlə Konqresin təqdim etdiyi son məbləği ayırmaq lazımdır.

Konkret olaraq, konqresmen Ceki Spir Ermənistana 40 milyon dollar əlavə yardım verilməsini təklif edir.

Xatırladaq ki, 268 nümayəndə olmaqla 2/3-si layihəyə səs verib.