Ordu.az erməni KİV-lərinə istinadən xəbər verir ki, Ermənistan Baş nazirinin birinci müavini vəzifələrini icra edən Ararat Mirzoyan Minskdə AİƏT üzv ölkələrin hökumət başçılarının görüşü çərçivəsində Belarus prezidenti Aleksandr Lukaşenko ilə KTMT-nin Baş katibliyi məsələsini müzakirə edib.

Qapalı müzakirə olduğuna görə danışıqların detalları barədə məlumat verə bilməyəcəyini deyən Mirzoyan vurğulayıb ki, danışıqlar kifayət qədər konstruktiv olub.

Mirzoyan, tezliklə keçiriləcək KTMT-nin sammitində problemin həll ediləcəyinə dair ümidvar olduğunu bildirib.

O, görüşdə bir sıra qarşılıqlı maraq doğuran və AİƏT aid olmayan məsələlərin də müzakirə edildiyini deyib.

Alpər Mövludoğlu
Ordu.az