"KTMT" sözünə uyğun 384 nəticə tapıldı!

“Hər bir tərəf nəsə qazanır, nəyisə itirir”: KTMT-də həll yolu var?

2019/02/CISO--1551080488.jpg
Oxunub: 578     11:35     25 Fevral 2019    
“Moskva və Minsk iqtisadi baxımdan bir sıra tellərlə bağlıdır. Bir qayda olaraq inteqrasiya qurumlarında ortaya çıxan problemlər paket şəklində həll edilir. Hər bir tərəf nəsə bir şey qazanır, nəyisə itirir”.

Ordu.az xəbər verir ki, bu barədə “Sputnik Armenia” saytına verdiyi müsahibəsində erməni politoloq Viqen Hakobyan bildirib.

Daha öncə “Komersant” qəzeti məlumatlı mənbəyə istinad edərək bəyan edib ki, KTMT daxilində Ermənistanın davranış tərzi səbəbindən daha bir il müddətinə tam səlahiyyətli baş katib olmayacağı reallığı ilə barışıblar. 2020-ci ilədək Baş katib səlahiyyətlərini Rusiyanın nümayəndəsi Valeri Semerikov davam etdirəcək. Rusiya XİN-dəki mənbə bildirib ki, KTMT Baş katibi vəzifəsini icra edən şəxs 2020-ci ilin əvvəlinədək təşkilata rəhbərlik edəcəyini deyib.

Nəşrin qeydlərinə görə, İrəvanda Baş katib vəzifəsinə Belarusun namizədi Stanislav Zası təsdiq etməyə tələsmirlər.

Viqen Hakobyan hesab edir ki, KTMT-nin Baş katibi məsələsi çoxşaxəlidir, buna təşkilatın üzv ölkələrinin digər məsələləri və problemləri kontekstindən yanaşmaq lazımdır. Bu, yalnız rus-erməni, yaxud erməni-belarus və ya rus-belarus məsələsi deyil.

Hakobyan qeyd edib ki, məsələn, Stanislav Zasın təyinatının bir il müddətinə təxirə salınması müqabilində Belarus tərəfinin də nəsə bir şey əldə etdiyini düşünür.

“Moskva və Minsk iqtisadi baxımdan bir sıra tellərlə bağlıdır. Bir qayda olaraq inteqrasiya qurumlarında ortaya çıxan problemlər paket şəklində həll edilir. Hər bir tərəf nəsə bir şey qazanır, nəyisə itirir”, - deyə o vurğulayıb.

Doğrudanmı, Paşinyan bu məsələni təşkilatda gündəmdə saxlamağa nail olub, sualına cavab olaraq, Viqen Hakobyan bildirib ki, Ermənistan Baş naziri bu məsələni qaldırmağa və müzakirəsinə nail olsa da, bu məsələlərlə bağlı hər hansı həll yolu tapıldığını demək olmaz.

“Üzv ölkələrin maraqları o qədər müxtəlifdir ki, birdəfəlik hər hansı mexanizmin hazırlanması mümkünsüzdür. Biz, Belarusun Azərbaycanla hərbi-texniki əməkdaşlığı necə inkişaf etdirdiyini görürük. Eyni qaydada Qazaxstanın Bakı ilə sıx əlaqələri var. Onların Azərbaycanla bağlı öz maraqları var”, - deyə Hakobyan əlavə edib.

Qeyd edək ki, KTMT-nin Baş katibinin təyinatı məsələsi hələ də həll edilməmiş qalır. İrəvanla Minsk arasında fikir ayrılığı yaranıb. Mübahisələr Ermənistanın KTMT-nin Baş katibi vəsifəsindən öz nümayəndəsi Yuri Xaçaturovu geri çağırmasından sonra başlayıb. Ermənistan təkid edirdi ki, bu vəzifədə 2020-ci ilədək öz namizədi olmalıdır. Eyni zamanda Belarus da öz namizədi kimi Milli Təhlükəsizlik Xidmətinin rəhbəri Stanislav Zası təklif edirdi. KTMT-nin Baş katibi səalhiyyətlərini hazırda Valeri Semerikov yerinə yetirir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: KTMT   Belarus   Ermənistan