Ordu.az xarici KİV-lərə istinadən xəbər verir ki, Baş nazir İzmirdə etdiyi çıxışı zamanı məsələyə toxunub.

"Türkiyə alternativsiz deyil. Tədbirlərimizi alırıq. Müdafiə sənayesində yerli istehsalı stimullaşdırırıq. Embarqolar müdafiə sahəsində problemlərə səbəb ola bilməz. Qarşı tərəfdən atılan bu addım strateji müttəfiqlik münasibətlərinə ziddir", - deyə o bildirib.

Qeyd edək ki, Türkiyənin Rusiya ilə hərbi yaxınlığından sonra ABŞ senatında Türkiyəyə "F-35" qırıcılarının satışına embarqo qoyulması ilə bağlı qanun layihəsi müzakirəyə çıxarılıb.

Dəyanət Ağalarlı
Ordu.az