Ordu.az “Haaretz”ə istinadən xəbər verir ki, İsrail MN-in açıqlamasına görə, qərar ABŞ Müdafiə Nazirliyi ilə birlikdə qəbul edilib.

“Boeing”lə birlikdə hazırlanan raketin ilkin sınaqları 2015-ci ildə Aralıq dənizində edilib və 2017-ci ildə İsraildə istifadəyə verilib. Bundan sonra bu ilin yayında ABŞ-ın Alyaska yarımadasında raketin növbəti sınağının keçirilməsi planlaşdırılırdı. Lakin İsrail MN-in Pentaqonla birlikdə qəbuletdiyi qərara görə, sınağın müddəti qeyri-müəyyən müddətə təxirə salınıb.

İsrail Müdafiə Nazirliyinin açıqlamasında qeyd olunur ki, təxirə salmanın əsas səbəbi raketin sınağa hazırlığının maksimum səviyyəyə çatdırılması üçün vaxt qazanmaqdır.

Ağalar Ağalarlı
Ordu.az