Ordu.az xarici KİV-lərə istinadən xəbər verir ki, bu faktorlar Konqresin Büdcə Bürosunun (KBB) sonuncu hesabatında üzə çıxıb.

KBB Trampın bütöv illik hərbi büdcəsinin qəbul edilməsi halında qarşıdakı 10 ildə milli borcun 683 milyard dollar artacağını bildirib.

KBB-nin hesabatına görə, artan sağlamlıq qiymətləri, sosial təhlükəsizlik üçün artıq xərcləmə və köhnə borclarla bağlı yüksək faizlərdənsə, 350 gəmilik donanma, əlavə qırıcıların alınması və insan gücünün artırılması ilə bağlı ambisiyalı planlar daha böyük risk meydana gətirir.

“Xüsusilə Müdafiə Nazirliyinin büdcəsində silahların alınması və istehsalı üçün ayrılan vəsait, Müdafiə Nazirliyinin ilkin hesablamalarından 20-30% daha yüksəkdir. Aktiv və təqaüddə olan xidmət üzvləri üçün kompensasiya xərcləri 2000-ci ildən etibarən sürətlə qalxmağa başladı”, - deyə hesabatda qeyd edilir.

KBB bu məsələlərin qarşıdakı beş ildə proqnozlaşdırılan büdcə ilə ödənəcək həqiqi qiymət arasında uyğunsuzluq yaradacağını bildirib.

Ağalar Ağalarlı
Ordu.az