Rusiya MN Türkiyədən xahiş etdi: Kömək edin

2018/02/588_1517916446.jpg
Oxunub: 3248     19:24     06 Fevral 2018    
Rusiya Müdafiə Nazirliyi Türkiyəyə Suriyada vurulan Su-25 təyyarəsinin qalıqlarının geri alınması üzrə vasitəçilik etmək barədə sorğu göndərib.

Ordu.az TASS informasiya agentliyinə istinadən xəbər verir ki, bu barədə Rusiya Müdafiə Nazirliyi məlumat yayıb.

“Rusiya hərbçiləri tərəfindən Türkiyə tərəfinə fevralın 3-də Suriyanın İdlib vilayətinin səmasında terrorçular tərəfindən vurulan Su-25 təyyarəsinin qalıqlarını Rusiyaya qaytarılmasında vasitəçilik etməklə bağlı sorğu göndərilib”, - deyə məlumatda bildirilir.

Rusiya Müdafiə Nazirliyi həmçinin vurulan Su-25 təyyarəsinin mühərrikinin analizi nəticəsində terrorçular tərəfindən təyyarənin vurulmasında istifadə olunan daşınan zenit raket kompleksinin istehsal yeri və onun terrorçulara hansı yolla keçməsini müəyyənləşdirməyə ümid edir.

Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Rusiya   Su-25  


Bizi "telegram"da izləyin