Ordu.az "Jamanak" qəzetinə istinadən xəbər verir ki, hazırda Ermənistan müdafiə nazirliyinə zəruri alqı satqıları 3-4 şirkət həyata keçirir. Bu şirkətlərin hamısı Movses Hakopyana məxsusdur.

Bu şirkətlər bir-birinin vasitəsilə, əsasən Ermənistan ordusunun ehtiyacları üçün zəruri malların istehsalı üzrə, hərbi əmlak satışı sahəsində ixtisaslaşan “Spetstorq” rus şirkəti ilə alqı-satqı aparır.

Məsələ rus şirkətinin təklif etdiyi əmlakların qiymətində deyil, son hesabda Ermənistan müdafiə nazirliyinin bu əmlakları hansı qiymətə əldə etməsindədir. Məlumata görə, Movses Hakopyana məxsus 4 şirkət, biri digərinin vasitəsilə bu əmlakları Ermənistana çatdırır və bu malları bir neçə dəfə baha qiymətə satır.

Alpər Mövludoğlu
Ordu.az