" Korrupsiya " sözünə uyğun nəticə tapıldı!

"Korrupsiya" - (268 )

“Past”: Paşinyan reytinqini qorumaq üçün davamlı olaraq sübut və hökm olmadan rəqiblərini korrupsiyada ittiham edir

2020/01/768-1579951075.jpg
Oxunub: 1151     17:41     04 Fevral 2020    
Ermənistanda hakimiyyət dəyişdikdən sonra Baş nazir Paşinyan korrupsiyaya qarşı barışmaz mübarizəsi barədə dəfələrlə danışıb. Eyni zamanda, Paşinyan təmsil etdiyi hökumətnin korrupsiyadan uzaq olduğunu iddia edib, lakin bir qədər sonra bəlli oldu ki, hökumət daxilində korrupsiyadan azad olmayan məmurlar da var.

Ordu.az xəbər verir ki, bu, Ermənistanın “Past” nəşrində dərc olunan məqalədə qeyd olunub.

Müəllif bildirir ki, burada yalnız aşkar edilmiş hallar danışılır, ancaq açıqlanmayan faktların az olmadığına dair zəmanət varmı?

“Düşünürük ki, belə bir zəmanət yoxdur. Hökumət daxilindəki korrupsiya hadisələri ilə bağlı məsələnin kökündən həll edilməməsinə baxmayaraq, korrupsiyaya qarşı mübarizə məsələsi siyasi müstəviyə keçib. Problem ondadır ki, Baş nazir Paşinyan reytinqini qorumaq üçün davamlı olaraq sübut və hökm olmadan rəqiblərini keçmişdə vəzifədə olmasından asılı olmayaraq korrupsiyada ittiham edərək, korrupsioner adlandırır. Məhkəmənin qanuni qərarları olmadan isə heç kimin bu və ya digər şəxsə ittiham irəli sürmək hüququ yoxdur. Baş nazirə prokuror və ya hakim səlahiyyətləri verilmir və bu baxımdan Paşinyan siyasi düzgünlüyü təmin etməlidir, çünki yol verdiyi ifadələr məhkəmə qərarı ilə təsdiqlənməyə bilər və sonradan üzr istəməli ola bilər”, - deyə məqalənin müəllifi bildirib.

Yeri gəlmişkən, qısa müddətdə Paşinyana qarşı böhtan atmaqla bağlı çox sayda iddia qaldırıla biləcəyi barədə şayiələr gəzir. Korrupsiyaya qarşı mübarizənin bu fonunda, müxtəlif ekspertlərin hazırkı hökumətin antikorrupsiya alət dəstgahının siyasi rəqiblərini susdurmaq üçün istifadə edildiyi mövzusunu gündəmə gətirməsi təsadüfi deyil.

Bu yaxınlarda verdiyi müsahibəsində bu məsələyə toxunan tanınmış iqtisadçı Daron Acemoğlu Ermənistan hakimiyyətini korrupsiyaya qarşı mübarizəni siyasi rəqiblərini təqib etmək vasitəsinə çevirməməyə çağırış edib.

Bu baxımdan Acemoğlunun təsirli antikorrupsiya siyasəti adlandırılmaqdan uzaq olduğuna inandığı Çin nümunəsini gətirməsi diqqət çəkir.

Buradakı nəzarət olunan məhkəmələr şəraitində hakimiyyət korrupsiyaya qarşı mübarizəni prioritet elan edib, amma əslində bunu siyasi rəqiblərə qarşı yönəldib.

Qafandakı mətbuat konfransında da Paşinyan Acemoğlunun fikirləri ilə razılaşdığını söyləyib.

Paşinyan bəyan edib ki, hər hansı bir lider və ya fraksiya rəqiblərinə qarşı siyasi təqib aparırsa, bu, Ermənistanın antikorrupsiya strategiyasını şübhə altına alır.

“Paşinyan əslində, Ermənistandakı korrupsiyanın siyasi rəqiblərə qarşı istifadə edilmədiyini göstərməyə çalışıb, amma faktlar bunun əksini sübut edir və Acemoğlunun bununla bağlı xəbərdarlığı təsadüfi deyildi. Mövcud hakimiyyət antikorrupsiya alətlərini siyasiləşdirmə yanaşmasından, ümumiyyətlə, siyasi təqibdən əl çəkməlidir, əks təqdirdə antikorrupsiya strategiyasını alt-üst edib, dağıntılar altında qalacaqlar”, - deyə dərc olunan məqalənin müəllifi bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   Korrupsiya   Ermənistan   Siyasi-təqib