Ordu.az xəbər verir ki, bu barədə “Al Masdar” agentliyi məlumat yayıb.

Məlumata görə, Suriya ordusu ciddi müqavimətlə üzləşmədən “Ən-Nüsra Cəbhəsi”nin müdafiə xəttini yararaq Rəmla şəhərinə daxil olub və hazırda yaşayış məntəqəsinin mərkəzinə doğru irəliləyir.

Eyni zamanda, qoşunun Rəmlanın cənubunda – Həma vilayətinin əl-Rəhacan şəhərində yerləşən “Ən-Nüsra Cəbhəsi” terror qruplaşmasının əsas sığınacaqlarından birini ələ keçirməyə cəhd etdiyi bildirilir.

Qeyd edək ki, əl-Rəhəcan terrorçuların müdafiəni yaxşı təşkil etdiyi yaşayış məntəqəsidir və ordunun oraya asanlıqla daxil olacağı təxmin edilmir.

Əlavə məlumat üçün bildirək ki, Suriya ordusu əl-Rəhacanı azad etməklə Həma vilayəti ilə sərhəddi bütövlükdə “Ən-Nüsra Cəbhəsi” terrorçularından təmizləmiş olacaq.

Ağalar Qəribov
Ordu.az