Ordu.az Rusiya KİV-lərinə istinadən xəbər verir ki, bu barədə Cənub Hərbi Dairəsinin mətbuat xidməti məlumat yayıb.
Yüksək dağlıq ərazidə yerləşən “Alagöz” poliqonunda keçirilən təlimlər iki mərhələdə, 7 gün müddətində davam edəcək.
Bildirilir ki, nəzəri kurslarda zabitlər qırıcılar və Rusiya Silahlı Qüvvələrinin Cənubi Qafqazda yerləşən birləşmələrinin silahlanmasına daxil olan hərbi aviasiyanın taktiki-texniki xüsusiyyətlərini öyrənir, aviasiya texnikasının tətbiqi və təhlükəsizlik tələbləri barədə məlumatlarla tanış olurlar.
Qeyd edək ki, təlimlərdə 100-dən çox hərbi xidməti və 50-dən çox hərbi və aviasiya texnikasından istifadə edilir.
Ağalar Qəribov
Ordu.az
