Ordu.az xəbər verir ki, Qrinkeviç bu fikirləri Serbiya Radio və Televiziyasına müsahibəsində səsləndirib.
Qrinkeviçin sözlərinə görə, Avropa ölkələrinin təhlükəsizlik sistemində rolu daha da artmalıdır.
“Avropanın təhlükəsizliyinə gəldikdə, ABŞ bu məsələdə əvvəlki qədər fəal iştirak etməyəcək. Avropa daha çox iş görməlidir”, - deyə NATO generalı bildirib.
Məlumatda həmçinin ABŞ Prezidenti Donald Trampın son vaxtlar Avropadakı müttəfiqlərə ünvanladığı sərt bəyanatlara da diqqət çəkilir.
Qeyd olunur ki, Tramp Avropa İttifaqının bəzi ölkələrinin İrana qarşı əməliyyatlarda iştirakdan imtina etməsindən narazılığını ifadə edib və NATO-nu tənqid edərək alyansı “kağız pələng” adlandırıb.
Sevinc Əliyeva
Ordu.az
