Ordu.az xəbər verir ki, bu barədə Çexiya Televiziyası məlumat yayıb.

Nazirin hesablamalarına görə, bu məqsəd üçün əlavə olaraq təxminən 35 milyard kron (1,66 milyard ABŞ dolları) tələb olunacaq. Bu halda ümumi müdafiə büdcəsi 190 milyard krona (təxminən 9 milyard ABŞ dolları) çatacaq.

Bununla yanaşı, Çexiya KİV-lərinin məlumatına görə, ötən il keçirilmiş seçkilərdən sonra hakimiyyətə gələn koalisiya üçün əsas prioritet ÜDM-in müəyyən faiz göstəricisinə çatmaq deyil, ordunun döyüş qabiliyyətinin real şəkildə gücləndirilməsidir.

Hakimiyyət nümayəndələri hesab edirlər ki, hərbi xərclərin kəskin artırılması davam edən büdcə kəsiri fonunda maliyyə yükünü daha da ağırlaşdıra bilər.

Məlumata görə, 2026-cı ildə Çexiyanın müdafiə büdcəsi təxminən 154,79 milyard kron (7,4 milyard ABŞ dolları) təşkil edəcək ki, bu da ÜDM-in 1,78 faizinə bərabərdir.

Çexiya NATO daxilində müdafiə maliyyələşdirilməsi məsələsinin mütəmadi siyasi müzakirələrə səbəb olduğu ölkələrdən biri olaraq qalır və bu məsələ alyans qarşısında götürülmüş öhdəliklər kontekstində tez-tez gündəmə gətirilir.

Sevinc Əliyeva
Ordu.az