Ordu.az xəbər verir ki, yeni qanun Rusiya qanunvericiliyində “Rusiya Federasiyasının maraqlarına qarşı yönəlmiş fəaliyyətlər” kimi qiymətləndirilən hüquqpozmalarla bağlı tədbirlərin tətbiqini nəzərdə tutur.
Sənəd həmçinin İnzibati Xətalar Məcəlləsinin xaricdə yaşayan rusiyalıların məsuliyyətə cəlb oluna biləcəyi maddələrinin siyahısını genişləndirir.
Bu siyahıya dövlət orqanlarının və vəzifəli şəxslərin təhqir edilməsi, Rusiya Silahlı Qüvvələrinin “nüfuzdan salınması”, eləcə də Rusiyaya qarşı sanksiyaların tətbiqinə açıq çağırışlarla bağlı müddəalar daxil edilib.
Qanuna əsasən, qeyd olunan inzibati hüquqpozmalar üzrə təqsirli bilinən şəxslərin ölkə xaricində yaşamalarından asılı olmayaraq onların əmlakına qarşı müvafiq tədbirlər tətbiq oluna biləcək.
Sevinc Əliyeva
Ordu.az
