Ordu.az xəbər verir ki, bu barədə İran Xarici İşlər Nazirliyinin rəsmi nümayəndəsi İsmayıl Bəqayi dövlət televiziyası IRIB-in efirində danışıb.

Onun sözlərinə görə, İran əvvəldən bəyan edib ki, zənginləşdirilmiş materiallar ölkə xaricinə çıxarılmayacaq.

“Biz elə əvvəldən demişdik ki, zənginləşdirilmiş materiallar ölkədən çıxarılmayacaq. Variantlardan biri onların İran ərazisində zənginlik səviyyəsinin azaldılmasıdır. Bu, yeni təklif deyil”, - deyə Bəqayi bildirib.

Qeyd olunur ki, bu açıqlama İran və ABŞ arasında münaqişənin dayandırılması ilə bağlı memorandumun imzalanmasından dərhal sonra səsləndirilib.

Məlumata görə, növbəti mərhələdə Tehranın nüvə proqramı və ABŞ-nin tətbiq etdiyi sanksiyaların ləğvi ilə bağlı əlavə danışıqlar aparılacaq.

Sevinc Əliyeva
Ordu.az