Ordu.az xəbər verir ki, bu barədə İordaniya ordusunun yaydığı bəyanatda bildirilib.

Məlumata görə, İran mənşəli beş raket İordaniyanın Əz-Zərqa əyalətinin Əl-Əzraq bölgəsinə doğru hərəkət edərkən aşkarlanıb.

Ordunun açıqlamasında qeyd olunub ki, raketlər hava hücumundan müdafiə sistemləri tərəfindən zərərsizləşdirilib.

Bildirilib ki, raket qalıqlarının düşməsi nəticəsində insan tələfatı və ya maddi ziyan qeydə alınmayıb.

İordaniya Silahlı Qüvvələri ölkənin hava məkanının qorunmasını təmin etməyə tam hazır olduqlarını vurğulayıb.

Xatırladaq ki, daha əvvəl ABŞ hərbçiləri “Apache” helikopteri ilə bağlı insidentə cavab olaraq İrana zərbələr endirdiklərini açıqlamışdılar.

İran isə cavab olaraq İordaniya ərazisində yerləşən “Muvaffaq əl-Salti” ABŞ hərbi bazasına raket zərbəsi endirdiyini bildirmişdi.

Sevinc Əliyeva
Ordu.az