Ordu.az xəbər verir ki, bunu rusiyalı analitik Konstantin Simonov deyib.

Onun sözlərinə görə, məlum faktdır ki, nəqliyyat layihələri yalnız proqnozlaşdırıla bilənlik və sabit sülh olan yerlərdə sürətlə inkişaf edir.

Bu halda isə, onun fikrincə, belə ilkin şərtlər yoxdur.

“İranda müharibə gedir, atəşkəsin uzadılmasından asılı olmayaraq vəziyyət partlayış həddindədir, razılaşma əldə olunması ehtimalı kifayət qədər aşağıdır. Bundan başqa, İranın öz sərhədləri yaxınlığında Amerika layihələrinin həyata keçirilməsinə münasibəti var, bununla bağlı çoxsaylı açıq mesajlar verilib, təbii ki, qeyri-açıq mesajlar da olub. Buna görə düşünürəm ki, İrəvan və Vaşinqton müəyyən səviyyədə texniki müzakirələri davam etdirirlər, lakin praktiki mərhələ, məncə, gecikə bilər”, - deyə analitik bildirib.

Bundan başqa, ekspert hesab edir ki, TRIPP-in uğuru çoxtərəfli əməkdaşlıq tələb edir və burada Qərb, Mərkəzi Asiya və Cənubi Qafqaz ahəngdar şəkildə hərəkət etməlidir.

“Lakin İran ətrafındakı münaqişənin uzanması regional oyunçuları ehtiyatlılığa və qütbləşməyə sövq edir. Region, xüsusilə İran müharibə şəraitində olduqda, qonşu ölkələrdə təhlükəsizlik prioritetləri ön plana çıxır və bütün qərarlar həmin amillər nəzərə alınaraq qəbul edilir”, - deyə Simonov bildirib.

Rusiyalı analitik hesab edir ki, bu müharibə, onun mümkün nəticəsi, eləcə də sonrakı regional və geosiyasi proseslər belə mühüm geosiyasi logistika layihəsinin həyata keçirilməsinə təsir göstərə bilər.

“Məlum olduğu kimi, Rusiya da bu layihədən ruhlanmayıb, İran isə ona qarşıdır və müharibə bitdikdən sonra məsələlərin necə qaldırılacağını demək çətindir. İstisna deyil ki, heç nə dəyişməsin, amma dəyişikliklərin olması və İranın məsələləri daha sərt şəkildə qaldırması da istisna deyil. Buna görə bu, həm geosiyasi, həm texniki, həm də iqtisadi baxımdan həyata keçirilməsi həqiqətən İran müharibəsindən asılı olan layihədir”, - deyə o bildirib.

Alpər Mövludoğlu
Ordu.az