Gecə saatlarında ABŞ qüvvələri Hind okeanında, INDOPACOM məsuliyyət zonasındakı sularda İrandan neft daşıyan “Majestic X” adlı yararsız tankeri saxlayıb və baxış hüququ əsasında nəzarətə götürüb.
Ordu.az xəbər verir ki, bu barədə ABŞ Müharibə Nazirliyinin bəyanatında deyilir.
“Biz qeyri-qanuni dəniz şəbəkələrinin fəaliyyətini pozmaq və İrana maddi dəstək göstərən gəmilərin harada fəaliyyət göstərməsindən asılı olmayaraq işini dayandırmaq üçün beynəlxalq tədbirləri tətbiq etməyə davam edəcəyik. Beynəlxalq sular sanksiya altında olan qurumlar üçün bəhanə kimi istifadə oluna bilməz. Müharibə Nazirliyi qeyri-qanuni fəaliyyət göstərənləri və onların gəmilərini dəniz sularında manevr azadlığından məhrum etməyə davam edəcək”, - deyə bəyanatda qeyd olunub.
Sevinc Əliyeva
Ordu.az
© Materiallardan istifadə edərkən hiperlinklə istinad olunmalıdır
Teqlər:
ABŞ
İran
