Ordu.az xəbər verir ki, bu barədə “CBS News” məlumat yayıb.

“CBS News” ABŞ kəşfiyyatına istinadən bildirir ki, aprelin 8-i vəziyyətinə, atəşkəsin qüvvəyə mindiyi anda Tehran sərəncamındakı ballistik raketlərin və buraxılış qurğularının təxminən yarısını qoruyub saxlaya bilib.

Bundan başqa, mənbələr qeyd edir ki, hərbi dəniz qüvvələrinin ağır itkilər verməsinə baxmayaraq, İslam İnqilabı Keşikçiləri Korpusunun potensialının təxminən 60 faizi zərər görməyib. Bu, Hörmüz boğazında aparılan əməliyyatlar zamanı istifadə edilən sürətli motorlu qayıqlara da aiddir.

Rəsmi mənbələrin məlumatına görə, İranın hərbi hava qüvvələri də tamamilə darmadağın edilməkdən yayınıb. Aviasiyanın təxminən üçdə ikisi hələ də döyüş tapşırıqlarını yerinə yetirməyə hazırdır.

Bu vəziyyət prezident Donald Trampın və Pentaqon rəhbəri Pit Heqsetin İranın hərbi imkanlarının daha ciddi və daha genişmiqyaslı itkilərə məruz qaldığı barədə iddiaları ilə ziddiyyət təşkil edir.

Sevinc Əliyeva
Ordu.az