Ordu.az xəbər verir ki, bu barədə çərşənbə axşamı Pakistanın informasiya naziri Ataullah Tarar bildirib.

“İslamabadda keçiriləcək sülh danışıqlarında nümayəndə heyətinin iştirakını təsdiqləməklə bağlı İran tərəfinin rəsmi cavabı hələ də gözlənilir”, - deyə Tarar “X” sosial şəbəkəsində yazıb.

O bildirib ki, qərar “kritik” əhəmiyyət daşıyır, çünki münaqişə tərəfləri arasında bağlanmış iki həftəlik atəşkəsin başa çatmasına sayılı saatlar qalıb. Prezident Donald Tramp çərşənbə axşamı bildirib ki, İran əleyhinə ABŞ-İsrail müharibəsində atəşkəs rejimini uzatmaq istəmir və danışıqlar uğurla nəticələnməsə, ABŞ silahlı qüvvələri “fəaliyyət göstərməyə hazırdır”.

Sevinc Əliyeva
Ordu.az