Ordu.az xəbər verir ki, bu barədə Avropa İttifaqı Şurasına sədrlik edən Kiprin nümayəndəsi bildirib.

“Söhbət Avropa İttifaqının çoxillik büdcəsinə dəyişikliklərin təsdiqindən gedir. Bu, Kiyevə kredit ayrılmasının başlanması üçün zəruri olan son texniki elementdir”, - deyə o qeyd edib.

Nümayəndə bildirib ki, bu məsələnin iclasın gündəliyinə müzakirəsiz daxil edilməsi adətən Avropa İttifaqına üzv dövlətlər arasında ilkin razılaşmanın əldə olunması deməkdir.

Təsdiqlənəcəyi halda sənəd yazılı prosedurla ratifikasiya ediləcək və bunun yekun qəbuluna yol açacaq.

Qeyd edək ki, Ukraynaya 90 milyard avro kredit uzun müddət Macarıstanın vəzifədən gedən hökuməti tərəfindən bloklanmışdı. Bu son hüquqi elementin təsdiqə təqdim edilməsi prosesdə ciddi irəliləyiş olduğunu göstərir.

Sevinc Əliyeva
Ordu.az