Ordu.az xəbər verir ki, bu barədə SANA məlumat yayıb.

Suriya mediasının məlumatına görə, əməliyyatda iki tank, iki avtomobil və ABŞ istehsalı “Humvee” hərbi yolsuzluq avtomobilləri ilə təchiz edilmiş qüvvələr iştirak edib. Hərbçilər obyektə daxil olaraq hazır tikililəri nəzarətə götürüblər.

Bundan əvvəl, şənbə günü İsrailin digər qüvvələri Kuneytranın şimal kənd ərazilərinə daxil olmuş, Taranja-Mazare əl-Amal yolunda müvəqqəti nəzarət-buraxılış məntəqəsi qurmuş və ayrılmadan əvvəl qısa müddət ərzində mülki şəxsləri yoxlamışdılar.

“İsrail 1974-cü il tarixli Qüvvələrin Ayrılması haqqında sazişi pozmağa davam edir, Suriyanın cənubunda mütəmadi müdaxilələr həyata keçirilir. Suriya dəfələrlə İsrail qüvvələrinin öz ərazisindən çıxarılmasını tələb edib və vurğulayıb ki, “işğalçılar”ın Suriyanın cənubunda gördüyü bütün tədbirlər etibarsızdır və beynəlxalq hüquqa əsasən hüquqi qüvvəyə malik deyil”, - deyə məlumatda qeyd edilib.

Sevinc Əliyeva
Ordu.az