Ordu.az xəbər verir ki, bu barədə xarici KİV-lər məlumat yayıb.

Ordu açıqlamasında bildirib ki, 98-ci diviziya 91-ci, 36-cı, 146-cı və 162-ci diviziyalarla birlikdə “quru əməliyyatlarının genişləndirilməsi çərçivəsində” əməliyyatlara qoşulub, eyni zamanda Livanın cənubundakı ərazilərə yönəlmiş artilleriya və hava zərbələri davam edir.

Hərbi qurum əlavə qüvvələrin “ön müdafiə xəttini gücləndirmək və şimal sakinlərinə olan təhdidləri aradan qaldırmaq” üçün fəaliyyət göstərdiyini bildirib, lakin Livan ərazisinə daxilolmanın miqyasını açıqlamayıb.

“Yedioth Ahronoth” qəzetinə görə, İsrailin bu addımı “Hizbullah” döyüşçülərini Litani çayının şimalına sıxışdırmaq və sərhəd kəndlərində İsrailin hərbi məqsədlər üçün istifadə olunduğunu iddia etdiyi obyekt və binaları məhv etmək məqsədi daşıyır.

Qəzet əlavə edib ki, Livanın cənubundakı əməliyyatlar relyefə görə Qəzzadakından “daha mürəkkəbdir”.

Qəzetin yazdığına görə, ordu siyasi rəhbərliyə müharibə İranla başa çatdıqdan sonra belə davam edən hərbi əməliyyatları saxlamaqla ön xətt kəndlərinə nəzarəti nəzərdə tutan əməliyyat planı təqdim etməyə hazırlaşır.

İsrail 2024-cü ilin noyabrında qüvvəyə minmiş atəşkəsə baxmayaraq, martın 2-də “Hizbullah”ın sərhədyanı hücumundan sonra Livanın cənubunda hava zərbələri və quru əməliyyatı həyata keçirir.

Livan rəsmiləri bildiriblər ki, o vaxtdan bəri İsrail hücumları nəticəsində ən azı 1 497 nəfər həlak olub, 4 639 nəfər isə yaralanıb.

Sevinc Əliyeva
Ordu.az