Ordu.az xəbər verir ki, bu barədə “Shia News”un “Telegram” kanalı məlumat yayıb.

Kanal yazır ki, İsrail mediasında son vaxtlar Ukrayna mənbələrinə istinadən Rusiyanın guya İrana İsraildə həssas hədəflərin siyahısını təqdim etməsi ilə bağlı yayılan məlumatlardan sonra “Handala” kibercəbhəsi təkzib yayıb.

“Handala”nın rəsmi bəyanatında deyilir:

“Sionist rejim”in həssas elektrik infrastrukturu ilə bağlı bütün məlumatlar “Handala” mütəxəssisləri tərəfindən əldə edilib. Bu məlumat hazırda tam döyüş hazırlığı vəziyyətinə gətirilmiş raket bölmələrinin ixtiyarındadır.

“Handala” xüsusi vurğulayır ki, “Müqavimət oxu”nun kəşfiyyat dəstəyi yalnız öz qüvvələri hesabına həyata keçirilir və digər dövlətlərin heç bir iştirakı və ya köməyi yoxdur”.

Sevinc Əliyeva
Ordu.az