Ordu.az “The Korea Times” nəşrinə istinadən xəbər verir ki, sistem xüsusilə Şimali Koreyanın uzaqmənzilli artilleriya təhdidlərinə qarşı Seul və ətrafını qorumaq məqsədilə hazırlanır.
Hərbi rəsmilər Şimali Koreyanın çox lüləli reaktiv yaylım atəşi sistemləri potensialındakı sürətli artımı əsas gətirərək yerləşdirmə qrafikini iki il irəli çəkiblər.
LAMD sistemi radar stansiyası, taktiki rabitə elementləri, buraxılış qurğuları və tutucu raketlərdən ibarətdir. Sistem aşağı hündürlükdə uçan düşmən sursatlarını eyni vaxtda aşkar edib məhv edə biləcək şəkildə hazırlanır.
Bu texnologiyanın inkişafı üçün ümumi investisiyanın 2030-cu ilə qədər 558 milyon dollara çatacağı gözlənilir.
Əməliyyat fonu və regional balans
Cənubi Koreyanın hava hücumundan müdafiə sahəsində digər mühüm sistemi olan “Cheongung-II” Birləşmiş Ərəb Əmirliklərində real döyüş şəraitində yüksək effektivlik nümayiş etdirib. İran mənşəli hava hücumlarına qarşı müdafiədə sistemin 96 faiz önləmə göstəricisi əldə etdiyi bildirilir.
LAMD sisteminin istifadəyə verilməsi ilə Seulun xüsusilə intensiv artilleriya və raket təhdidlərinə qarşı çox təbəqəli və yerli komponentlərə əsaslanan hava hücumundan müdafiə arxitekturası qurmağı hədəflədiyi qiymətləndirilir.
Sevinc Əliyeva
Ordu.az
