Ordu.az xəbər verir ki, bu barədə “The Guardian” nəşri yazır.

Qeyd olunur ki, Dauninq Strit Böyük Britaniyanın ABŞ-nə İranın infrastruktur obyektlərinə, xüsusilə körpülərə və ya elektrik stansiyalarına yönəlmiş hava zərbələri üçün Britaniya bazalarından istifadə etməyə icazə verməyəcəyini açıq şəkildə bəyan etməkdən imtina edib.

Britaniya hökumətinin nümayəndəsi ABŞ prezidenti Donald Trampa Kral Hərbi Hava Qüvvələrinin bazalarından İranın körpülərinə və ya elektrik stansiyalarına zərbələr endirmək üçün istifadə etməyə icazə verilməyəcəyi ilə bağlı xəbərlərə münasibət bildirərkən qeyd edib ki, Dauninq Strit ABŞ-nin fəaliyyətləri, o cümlədən Britaniya bazalarından istifadəsi barədə “cari şərhlər” verməyəcək.

Hökumət nümayəndəsi əlavə edib ki, “onların mövqeyi dəyişməyib” və ABŞ-nin Britaniya bazalarından istifadəsi ilə bağlı mövcud razılaşma “regionda kollektiv özünümüdafiə, o cümlədən ABŞ-nin müdafiə xarakterli əməliyyatları, Hörmüz boğazında raket qurğularına və gəmilərə hücum etmək məqsədilə istifadə olunan imkanların məhv edilməsi üçün nəzərdə tutulub”.

Bununla belə, Dauninq Strit hökumətin amerikalıların Britaniya bazalarından yalnız “müdafiə əməliyyatları” üçün istifadə etməsini necə təmin edəcəyi barədə təfərrüat verməkdən imtina edib.

Sevinc Əliyeva
Ordu.az