Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, tədbir Rusiya və Ermənistanın elmi-ekspert icmasının nümayəndələrinin iştirakı ilə baş tutub.

Müzakirə zamanı ekspertlər Rusiya ilə Ermənistan arasında ticarət-iqtisadi əməkdaşlığın cari dinamikasını, sənaye əməkdaşlığının perspektivlərini, nəqliyyat və logistika marşrutlarının inkişafını, həmçinin texnoloji tərəfdaşlıq və rəqəmsal transformasiya məsələlərini müzakirə ediblər.

Xüsusi diqqət qarşılıqlı fəaliyyətin üstünlük təşkil edən əmtəə modelindən daha dərin istehsal və innovativ əməkdaşlığa keçidinə, o cümlədən səlahiyyətlərin ötürülməsi və birgə layihələrin inkişafına yönəldilib. Rusiya Federasiyasının Ermənistandakı ticarət nümayəndəsi Sergey Solomin bildirib: “Rusiya-Ermənistan qarşılıqlı fəaliyyətinin inkişafı praktiki həll yollarının axtarışına yönəlmiş peşəkar dialoq tələb edir. Biz ekspert icmasını ikitərəfli ticarət-iqtisadi əməkdaşlığın uzunmüddətli gündəliyinin formalaşdırılmasında mühüm tərəfdaş kimi qiymətləndiririk”.

İştirakçılar Avrasiya İqtisadi Birliyi çərçivəsində inteqrasiya proseslərinin əhəmiyyətini vurğulayaraq bunun ticarət-iqtisadi qarşılıqlı fəaliyyətin genişləndirilməsi, dayanıqlı logistika zəncirlərinin formalaşdırılması, malların, xidmətlərin, kapitalın və işçi qüvvəsinin sərbəst hərəkətinin təmin olunması baxımından vacibliyini qeyd ediblər.

Alpər Mövludoğlu
Ordu.az