Ordu.az xəbər verir ki, İsveçdə yerləşən "Saab" və "General Atomics Aeronautical Systems" Pilotsuz Havadan Erkən Xəbərdarlıq (UAEW) həlli üçün əməkdaşlığa gediblər.
Hazırlanmış sistem "General Atomics Aeronautical Systems"in MQ-9B PUA ailəsi çərçivəsində "SkyGuardian", "SeaGuardian" PUA-larına, Böyük Britaniyanın "Protector" modelinə və hazırda işlənmə mərhələsində olan qısa qalxma/enmə (STOL) versiyasına inteqrasiya oluna biləcək.
Sözügedən sistemlə PUA ilk uçuşunu 2026-cı ildə edəcək.
Havadan erkən xəbərdarlıq missiyası paketi ilə təchiz ediləcək MQ-9B ənənəvi pilotlu platformalarla müqayisədə daha aşağı qiymətə hava üstünlüyü təmin edəcək.
Bu həll taktiki hava təhdidlərinə, idarə olunan raketlərə, PUA-lara və digər təhlükələrə qarşı kritik hava aşkarlanmasını təmin edəcək.
Sevinc Əliyeva
Ordu.az
