Ordu.az xəbər verir ki, bunu Böyük Qarakilsə şəhərinin keçmiş başçısı Mamikon Aslanyan öz səhifəsində yazıb.

Onun sözlərinə görə, Nikol Paşinyanın təfərrüatlı hesablanmış plan olmadan nə vaxtsa birbaşa münaqişəyə daxil olacağını düşünmək sadəlövhlükdür.

“Onun siyasi üslubu prosesi idarə etmək və istismar etmək üçün bütün rıçaqlara malik olmadığı müddətcə, heç vaxt birbaşa konfliktli olmayıb. Məhz buna görə də mənəvi hakimiyyətə, xüsusən də Erməni Apostol Kilsəsinə qarşı mübarizə bizi narahat edir. Paşinyan bundan öz məqsədləri üçün istifadə edə biləcəyinə əmin olmasa (müxalifətin böyük bir hissəsi kimi), heç vaxt başqasının gündəminə qoşulmur.

Bu halda onun məqsədi birbaşa qarşıdurma yaratmaq deyil, kilsə daxilində parçalanma yaratmaq, qanunvericilik və ya tənzimləyici dəyişikliklərlə strukturu idarəolunan etmək, son nəticədə nüfuzdan salan kampaniyalar vasitəsilə ictimai dəstəyi alt-üst etmək və özünə tabe etməkdir. O, heç vaxt ictimai həmrəyliyin, kompromislərin tərəfdarı deyil, idarə etdiyi proseslərdə də hər zaman eskalasiyanın, hətta partlayış həddinə qədər yüksəlişin tərəfdarıdır”, - deyə Aslanyan bildirib.

Alpər Mövludoğlu
Ordu.az