Ordu.az xəbər verir ki, bu barədə ABŞ ordusu məlumat yayıb.

ABŞ Quru Qoşunlarının Müqavilələr Komandanlığı (Detroit Arsenal) tərəfindən verilən beşillik qeyri-müəyyən təhvil-qeyri-müəyyən həcm (IDIQ) müqaviləsi HMPT 800 transmissiyalarının istehsalını əhatə edir.

HMPT 800 transmissiya sistemi uzun illərdir M2 “Bradley” zirehli döyüş maşınlarında istifadə olunur. Sistem həmçinin ABŞ ordusunun yeni nəsil “Armored Multi-Purpose Vehicle” (AMPV) platformasında güc ötürülməsini təmin edərək texnikanın əməliyyat imkanlarını artırır.

“RENK America” şirkəti bildirib ki, THOR tərəfdaşlığı çərçivəsində bu günədək ABŞ ordusuna 4500-dən çox HMPT transmissiyası təhvil verib. Şirkətin məlumatına görə, yeni müqavilə orta sinfə məxsus tırtıllı texnikaların istehsalı və istismarını əhatə edən çoxillik proqramların dördüncü mərhələsidir.

“RENK America” şirkətinin baş icraçı direktoru Kori Conson bildirib ki, yüksək hazırlıq səviyyəsi dayanıqlı və operativ reaksiya verə bilən müdafiə sənayesi infrastrukturu ilə başlayır.

Onun sözlərinə görə, bu müqavilə şirkətin kollektivinə göstərilən etimadı və parkın davamlı istismarını təmin etmək üçün tələb olunan HMPT transmissiyalarını istehsal etmək qabiliyyətini nümayiş etdirir.

Conson əlavə edib ki, təhvil verilən hər bir transmissiya dünyanın müxtəlif bölgələrində xidmət aparan ABŞ hərbi platformalarının etibarlılığına və əməliyyat hazırlığına töhfə verir. “RENK America” müqavilə çərçivəsində istehsalın Miçiqan ştatının Muskegon şəhərində yerləşən müəssisədə həyata keçiriləcəyini açıqlayıb.

Şirkət Almaniyanın “RENK Group AG” konserninin tərkibində fəaliyyət göstərir. Konsern hərbi quru texnikaları, dəniz platformaları və enerji sektoru üçün transmissiyalar, güc paketləri, hibrid hərəkət sistemləri və digər kritik güc ötürmə həlləri hazırlayır.

“RENK Group AG” 2025-ci maliyyə ilində təxminən 1,4 milyard avro gəlir əldə edib.

Sevinc Əliyeva
Ordu.az