Ordu.az xəbər verir ki, bu barədə “Kyiv Independent” məlumat yayıb.

Zelenski mayın 29-da “Bloomberg”ə verdiyi açıqlamada qeyd edib: “Çində istehsal olunan “Mavic” PUA-ları ruslar üçün açıqdır, lakin ukraynalılar üçün bağlıdır”.

DJI tərəfindən istehsal olunan “Mavic” seriyası adətən mülki istifadə üçün nəzərdə tutulub, lakin döyüşlərdə kəşfiyyat və döyüş sursatlarının daşınması məqsədilə geniş şəkildə istifadə olunur.

Ukrayna lideri, həmçinin vurğulayıb ki, Rusiya ərazisində Çin nümayəndələri ilə bəzi istehsal xətləri fəaliyyət göstərir.

Avropadakı bəzi rəsmilər “Bloomberg”ə bildiriblər ki, Çin təkcə PUA satışlarını deyil, həm də mühərrik maqnitləri kimi əsas komponentlərin ixracını məhdudlaşdırıb, eyni zamanda Rusiyaya tədarükləri artırır.

Sevinc Əliyeva
Ordu.az