Ordu.az-ın məlumatına görə, bunu Türkiyə xarici işlər naziri Hakan Fidan mayın 30-da Kiyevdə keçirilən brifinqdə bildirib.

"Xüsusilə müharibənin davam etməsi reallığını nəzərə alaraq, bu məsələdə NATO daxilində müəyyən konsensus yoxdur", - o deyib.

XİN rəhbərinin sözlərinə görə, üzv ölkələrin Ukraynaya müxtəlif yanaşmaları var.

"Əlbəttə ki, bu barədə danışıqlar davam edəcək. Bildiyiniz kimi, NATO təhlükəsizliyin təmin edilməsinin preventiv formasına malikdir və burada hansı əməkdaşlıq formasının Ukrayna üçün maksimum faydalı olacağını nəzərdən keçirmək lazımdır. Burada həm Avropa mövqeyi, həm Amerika mövqeyi, həm də bizim mövqeyimiz var. Rusiyada aparılan danışıqlar zamanı bu məsələ gündəlikdə olmayıb, ona görə də bu, daim davam edən bir prosesdir" - o əlavə edib.

Ordu.az