Ordu.az xəbər verir ki, bu barədə Türkiyə KİV-ləri məlumat yayıb.

Yunanıstan və Cənubi Kiprin etirazlarına baxmayaraq, Türkiyənin Aİ-nin yeni müdafiə proqramlarında iştirakı irəliləyir.

Bu kontekstdə Yunanıstan mediası yekun qərarın yekdilliklə deyil, Aİ daxilində ixtisaslı səs çoxluğu ilə veriləcəyini bildirir.

Mayın 20-də Yunanıstanın müdafiə naziri Nikos Dendias Türkiyəyə üstüörtülü istinad edərək, bu inkişafa qarşı olduğunu bildirib.

Nazir Brüsseldə Xarici İşlər Şurasının iclasından əvvəl verdiyi açıqlamada bildirib: “Düşmən divarların içərisindədirsə, biz Avropanı müdafiə edə bilmərik”.

Yunanıstanın “Kathimerini” qəzeti qeyd edib ki, Türkiyənin Aİ-nin müdafiə təşəbbüslərinə daxil olması təəccüblü deyil.

Sevinc Əliyeva
Ordu.az