Ordu.az xəbər verir ki, bu barədə ASELSAN-ın 2024-cü il fəaliyyət hesabatında bildirilib.

Hesabatda ASELSAN-ın həyata keçirdiyi milliləşdirmə səyləri haqqında məlumat verilib. Bu çərçivədə hesabatda ASELSAN-ın 2024-cü ildə 106 məhsulu milliləşdirdiyinə dair məlumatlar yer alıb. Hesabatda məsələ ilə bağlı aşağıdakı ifadələr yer alıb:

“Müdafiə sahəsində xarici asılılığın azaldılması məqsədilə 2024-cü ildə milliləşdirmə səyləri uğurla davam etdirilib və sektorda lider mövqeyimiz davam edib. ASELSAN və tədarükçülərinin gərgin səyləri ilə 2024-cü ildə 106 məhsul milliləşdirilib. 2018-ci ildən etibarən milliləşdirilən məhsulların sayı 877-yə çatıb.

2024-cü ildə milliləşdirilmiş məhsullar üçün verilən 193 milyon ABŞ dolları alış sifarişi ilə ASELSAN son 5 ildə 1 milyard ABŞ dollarından çox həcmin ölkəmiz daxilində saxlanmasına töhfə verib. Hazırda 150 tədarükçü ilə 280 məhsulun milliləşdirilməsi işləri davam edir.

2024-cü ildə ASELSAN-ın milliləşdirmə vizyonunu yaymaq və maarifləndirmə səyləri artmağa davam edib. İştirak etdiyimiz sərgilərdə, əyalət toplantılarında və sənayeləşmə tədbirlərində milliləşdirilmiş məhsullar nümayiş etdirilib. ASELSAN-ın milliləşdirmə səyləri milliləşdirmənin seçim deyil, zərurət olduğu anlayışı ilə davam edəcək”.

Sevinc Əliyeva
Ordu.az