Ordu.az Rusiyanın dövlət mediası TASS-a istinadən xəbər verir ki, bu hərəkət Rusiyanın orta mənzilli PUA-larının əhatə dairəsini əhəmiyyətli dərəcədə genişləndirə bilən ilk real vaxt peyk rabitə sistemi olacaq.

Rusiyanın İntellektual Alətlər (Intep) Dizayn Bürosu sistemin “Ku”-diapazon tezliklərində işlədiyini və “C” diapazonu üçün də versiyanın hazırlana biləcəyini bildirib.

Antenanın fırlanma sürətinin saniyədə 200 dərəcəyə qədər olduğu iddia edilir. Bu, yüksək sürətli PUA-lar və kiçik gəmilər üçün sabit rabitə təmin edir. Abonent stansiyasının ümumi çəkisi 8 kq-dan azdır. Bundan əlavə, “Intep” iddia edir ki, sistemdə istifadə olunan həllər proqram təminatı səviyyəsində rabitə kanalı parametrlərinin sürətli tənzimlənməsinə imkan verir.

Tərtibatçılar sistemin geostasionar orbitdə və ola bilsin ki, yüksək elliptik orbitlərdə, o cümlədən yüksək enliklərdə kosmik gəminin əhatə dairəsinin kənarlarında sabit işləməsini təmin edəcəyinə söz verirlər.

Sevinc Əliyeva
Ordu.az