Ordu.az xəbər verir ki, Yaponiya Müdafiə Nazirliyi 2025-ci maliyyə ilində VTOL qabiliyyətinə malik PUA-nın araşdırma və inkişaf etdirmə işlərinə başlayacağını açıqlayıb.

Bu çərçivədə VTOL tipli PUA-nın Yaponiya Quru Özünümüdafiə Qüvvələri (JGSDF) bölmələri tərəfindən idarə olunması nəzərdə tutulur.

Uçuş məsafəsi və faydalı yük kimi təfərrüatlı xüsusiyyətlər gələcək dizayn prosesində qərarlaşdırılacaq.

2025-ci maliyyə ili büdcə sorğusunda nazirlik 2025-2027-ci maliyyə ili üçün VTOL tipli PUA işləri üçün 4,6 milyard yen (28 milyon avro) tələb edib.

Bu kontekstdə 2027-2028-ci maliyyə ilində Satınalma, Texnologiya və Logistika Agentliyi (ATLA) və JGSDF bölmələri tədqiqat nəticələrini yoxlamaq üçün sınaqlar keçirəcək.

Sınaqlar üçün büdcə ayrıca tələb olunacaq. Kütləvi istehsal sınaq nəticələrindən asılı olaraq qiymətləndiriləcək.

Sevinc Əliyeva
Ordu.az