Almaniya Bundestaqı durğun iqtisadiyyatı gücləndirmək, ümumi Avropa müdafiəsinin yeni dövrünə hazırlamaq üçün infrastruktur, müdafiə və iqlim mühafizəsinə sərmayələri əhatə edən çox milyard avroluq xərc planını təsdiqləyib.
Ordu.az xarici KİV-lərə istinadən xəbər verir ki, parlament infrastruktur, iqlim üçün 500 milyard avroluq xüsusi fond yaradacaq və müdafiə xərclərini gələcək “borc əyləci”ndən azad edəcək konstitusiya dəyişikliyini təsdiqləyib.
Fevralın 23-də keçirilən ümumi seçkilərdən sonra koalisiya danışıqları aparan Xristian Birliyi (CDU/CSU) və Sosial Demokrat Partiyasının (SPD) təqdim etdiyi konstitusiya dəyişikliyi təklifi Bundestaqda 207-yə qarşı 513 səs çoxluğu ilə qəbul edilib.
Ümumilikdə 720 deputatın səsverməsindən sonra təklif qüvvəyə minməsi üçün Federal Əyalətlər Nümayəndələr Palatası (Bundesrat) tərəfindən də təsdiqlənməlidir. Bundesratda səsvermənin martın 21-də keçiriləcəyi gözlənilir.
Sevinc Əliyeva
Ordu.az
© Materiallardan istifadə edərkən hiperlinklə istinad olunmalıdır
Teqlər:
Almaniya
Bundestaq
