Ordu.az xəbər verir ki, sınaq qrupu hər iki platformada dəyişiklik etmədən “Harpoon” və F-16 arasında əlaqə yaratmaq üçün şlüz sistemindən istifadə edib.
Şlüz sistemi “tərcüməçi” kimi çıxış edərək, döyüş təyyarəsinə raketi tanımağa və əmrləri ötürməyə imkan verib.
ABŞ HHQ-nin 53-cü Sınaq və Qiymətləndirmə Qrupu inteqrasiya prosesini asanlaşdırmaq və təyyarələri yeni silah imkanları ilə təchiz etmək üçün tələb olunan vaxtı azaltmaq məqsədilə bu yanaşmadan istifadə edib.
Qeyd edək ki, “Harpoon” “Boeing” tərəfindən hazırlanmış və həm havadan, həm də gəmidən buraxılışlar üçün nəzərdə tutulmuş bütün hava şəraitinə uyğun, uzun mənzilli gəmi əleyhinə raketdir.
Sevinc Əliyeva
Ordu.az
