Ordu.az xəbər verir ki, Monqolustan Türkiyə ilə bağlanan müqavilə çərçivəsində ölkədə sursat fabriki qurulacağını açıqlayıb.
Mövzu ilə bağlı açıqlama verən Monqolustan müdafiə naziri Sandaq Byambatsoqt deyib: “Türkiyə tezliklə ölkəmizdə sursat fabriki quracaq. Bundan sonra odlu silah və döyüş sursatları xaricdən alınmasına ehtiyac qalmadan öz daxili istehsalımız olacaq”.
Monqolustanda mülki və hərbi sursatların istehsal olunacağını bildirən Byambatsoqt personalların da sursat istehsalı ilə bağlı təlimlər keçdiyini bildirib.
Həm Şərqi Asiya, həm də Orta Asiyada torpaqları olan Monqolustanla bu əməkdaşlığın Türkiyənin beynəlxalq müdafiə bazarında daha böyük yer tutmasına imkan yaradacağı və Türkiyə müdafiə sənayesinin istehsal şəbəkəsini daha da inkişaf etdirməsinə zəmin yaradacağı gözlənilir.
Sevinc Əliyeva
Ordu.az
