Ordu.az xəbər verir ki, bu barədə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas (Kaja Kallas) "X"də yazıb.
O bildirib ki, Romada Suriya üçün keçid dövrünün koordinasiyası məqsədilə "Quint" görüşünə qatılıb.
"Almaniya, Fransa, İtaliya, Böyük Britaniya və ABŞ ilə birlikdə bütün azlıqları qoruyan inklüziv hökumətin vacibliyini təsdiq etdik. Əgər real irəliləyiş olarsa, Avropa İttifaqı tədricən sanksiyaları yüngülləşdirə bilər",-K.Kallas vurğulayıb.
Qeyd edək ki, "Quint" ABŞ və Qərbi Avropanın böyük dördlüyündən (Fransa, Almaniya, İtaliya və Böyük Britaniya) ibarət qeyri-rəsmi qərar qəbul edən qrupdur.
Ordu.az
