Ordu.az xəbər verir ki, sistem həm mülki, həm də hərbi məqsədlərlə dəniz məlumatlarının toplanmasına dəstək vermək üçün nəzərdə tutulub və dərin dəniz bölgələrinə çata bilir.

“DriX H-8” dəniz dibi topoqrafiyasının ilkin tədqiqatları, dağıntıların aşkarlanması, dəniz dibinin tərkibinin təhlili də daxil olmaqla, müxtəlif vəzifələri yerinə yetirə bilər.

“DriX H-8” uzunluğu 7,7 metr və çəkisi təxminən 1600 kiloqram olan, ekipajsız, orta mənzilli suüstü platformadır.

Dron saatda 25,7 kilometr sürətə çata bilir və 10 günə qədər işləmək qabiliyyətinə malikdir.

“DriX” dronu həm uzaqdan idarə olunan əməliyyatlar, həm də nəzarət edilən avtonom missiyalar üçün təchiz edilib. Avtonom rejimdə platforma real vaxt rejimində monitorinqi təmin edən qrafik interfeys vasitəsilə operatorun nəzarəti altında fəaliyyət göstərir.

Bundan əlavə, dron görmə xətti və üfüqdən kənar əməliyyatlar üçün çoxkanallı rabitə sistemi ilə dəstəklənir.

Sevinc Əliyeva
Ordu.az