Ordu.az xəbər verir ki, bu barədə Cənubi Koreya Baş Qərargahının verdiyi açıqlamada qeyd edilib.

AFP-nin verdiyi məlumata görə, Cənubi Koreya Baş Qərargahının rəsmisi bildirib: “Ukrayna qüvvələrinə qarşı son döyüşlərdə iştirak edən təxminən 1100 Şimali Koreya hərbi qulluqçusunun öldürüldüyünü və ya yaralandığını təxmin edirik”.

ABŞ və Cənubi Koreya rəsmiləri müharibədə kömək üçün Rusiyaya 10 mindən çox Şimali Koreya hərbi qulluqçusunun göndərildiyini bəyan edib.

Pxenyan, həmçinin 10 mindən çox konteyner artilleriya mərmiləri və tank əleyhinə raketlər, habelə avtomatik haubitsalar və yaylım atəşli reaktiv sistemlər göndərib. Amma nə Şimali Koreya, nə də Rusiya qoşun yeridilməsini və ya silah tədarükünü rəsmən etiraf etməyib.

Ukraynanın yüksək rütbəli ordu komandiri Rusiyanın Kursk bölgəsində Şimali Koreya qüvvələrindən geniş istifadə etdiyini və bu qüvvələrin böyük itki verdiyini bildirib.

Sevinc Əliyeva
Ordu.az